விரும்பும் பதிவைத் தேடுக.

அலைமாற்றி = INVERTER லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அலைமாற்றி = INVERTER லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 19 டிசம்பர், 2021

புதுச்சொல் புனைவு (வை.வேதரெத்தினம்) (44) அலைமாற்றி = INVERTER.

அலைமாற்றி = INVERTER

-------------------------------------------------------------------------------------------------

 

அலைமாற்றி என்பது மாறலை மின்சாரம் (ALTERNATE CURRENT) பெறும் வெளிமூலம்நேரலை மின்சாரம் (DIRECT CURRENT) சேமிக்கப்படும் ”மின்கல அடுக்கு” இரண்டுடனும் இடையறாது இணைப்புப் பெற்றிருக்கும் ஒரு மின் பேழை !

 

குடியிருப்பு இல்லங்களிலும்வணிக நிறுவனங்களிலும் பயன்பாட்டிலுள்ள இம் மின்பேழை மாறலை மின்வலியை (ALTERNATE   CURRENT)  நேரலையாகவும்  (DIRECT  CURRENT),  நேரலை  மின்வலியை மாறலையாகவும் மாற்றித் தரும் வல்லமை உடையது !

 

மின்வாரிய இணைப்பு போன்ற வெளி மூலத்திலிருந்து (OUTSIDE SOURCE) கிடைக்கும் மாறலை மின்சாரத்தின்  (ALTERNATE  CURRENT)  ஒருபகுதி  “இன்வெர்ட்டர்”  கருவியில் “நேரலை மின்சாரமாக” (DIRECT CURRENT) மாற்றப்பட்டு அதனுடன் இணைந்த “மின்கல அடுக்கில்”  (BATTERY) சேமிக்கப்படுகிறதுமறுபகுதிவீட்டுப் பயன்பாட்டுக்கு அனுப்பப்படுகிறது !

 

மின்கல அடுக்கு” (BATTERY) முழுமையாகச் செறிவூட்டப்பட்ட பின்பு, (AFTER FULLY CHARGED) அதற்குச் செல்லும் மாறலை மின் தொடர்பு துண்டிக்கப் பட்டுவிடும்வெளிமூலத்திலிருந்து கிடைக்கும் மாறலை மின்சாரம் (ALTERNATE CURRENT), முழுவதுமாக  வீட்டுப் பயன் பாட்டுக்கு  “இன்வெர்ட்டர்” கருவியால்  திருப்பி விடப்படும் !

 

வெளிமூலத்திலிருந்து கிடைக்கும் மாறலை மின்சாரம் (ALTERNATE CURRENT) துண்டிக்கப்படும் நேர்வுகளில், “இன்வெர்ட்டர்” கருவியானது, ”மின்கல அடுக்கில்” (BATTERY) சேமிக்கப்பட்டிருக்கும்  நேர்மின்சாரத்தை (DIRECT CURRENT) ஈர்த்து மாறலை மின்சாரமாக  (ALTERNATE CURRENT) மாற்றி வீட்டுப் பயன்பாட்டுக்கு அனுப்பிவிடும் !

 

மாறலை மின்சாரத்தை (ALTERNATE CURRENT) நேரலையாகவும்  (DIRECT  CURRENT)  நேரலை மின்சாரத்தை மாறலையாகவும்  மாற்றிக் கொடுத்து,  வீட்டுப்  பயன்பாட்டுக்குத்  தடங்கலின்றி மின்சாரம் கிடைக்கச் செய்யும் பணியை இந்த “இன்வெர்ட்டர்”  மேற்கொள்கிறது !

 

மில்கல அடுக்கினுள் உறக்க நிலையில் (DORMANT STATE) இருக்கும் மின்னேற்றத்தை மீட்டுமாறலை மின்சாரமாக மாற்றி அளிக்கும் மின் பேழையை “அலைமாற்றிப் பேழை” என்று அழைக்கலாம்இதை இன்னும் சுருக்கி “அலைமாற்றி ” என்றே கூறலாம்கோடு அரியும் கருவியை கோடரி (கோடு + அரி = கோடரிஎன்பதைப்போல அலை மாற்றி  அளிக்கும் கருவியை “அலைமாற்றி”  என்று கூறுவது சாலப் பொருத்தமாக இருக்கும் !. 

 

        --------------------------------------------------------------------------------------

                  NVERTER = அலைமாற்றி

        --------------------------------------------------------------------------------------


----------------------------------------------------------------------------------------------

ஆக்கம் + இடுகை,

வை.வேதரெத்தினம்,

(veda70.vv@gmail.com)

ஆட்சியர்,

"புதிய தமிழ்ச் சொல்” வலைப்பூ,

[தி.:2052 : சிலை (மார்கழி) 04]

{19-12-2021}

-------------------------------------------------------------------------------------------

 அலைமாற்றி = INVERTER.