விரும்பும் பதிவைத் தேடுக.

ஊதை = AIR COOLER லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஊதை = AIR COOLER லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 16 டிசம்பர், 2021

புதுச்சொல் புனைவு (வை.வேதரெத்தினம்) (15) ஊதை = AIR COOLER.

 ஊதை = AIR  COOLER  

----------------------------------------------------------------------------------------------

கோடைக் காலத்தில் வீட்டுக்குள் வெப்பம் மிகுதியாக இருக்கும். மின் விசிறி எவ்வளவு சுழன்றாலும் காற்றுதான் வருமே தவிர அதுவும் வெப்பக் காற்று தான் வருமே தவிர குளிர்க் காற்றுக் கிடைக்காது. குளிர்க் காற்றை விரும்புவோர், ஏர் கூலரைப் பயன் படுத்துகிறார்கள். ஏர் கூலர் என்பதைத் தமிழில் எப்படிச் சொல்லலாம் ?

 

வாடைக் காற்றுக்கு குளிர்ச்சி மிகுதி. தமிழில் இதை ஊதைக் காற்று என்று சொல்வார்கள்.

====================================================

வரைமல்க, வானம் சிறப்ப, உறைபோழ்ந்து

இருநிலம் தீம்பெயல் தாழ விரைநாற

ஊதை உளரும் நறும்தண்கா பேதை

பெருமடம் நம்மாட்டு உரைத்து !

==========================================

(நூல் : கார் நாற்பது. பாடல் எண் : 30)

============================================

 

பொருள் :

-----------------

 

கலைகள் வளம் நிறைய, வானகம் சிறப்பு எய்த, இனிய மழை பொழிய, எங்கும் நறுமணம் கமழ, ஊதைக் காற்றானது, தலைவியின் அழகையும் இளமையையும் நமக்குச் சொல்ல மலர்ச் சோலையில் காத்துக் கொண்டிருக்கிறது. தேரினை விரைந்து செலுத்துவாயாக !

 

 

=====================================================

ஊதை என்ற சொல்லாட்சி குளிர்க் காற்றின் குணத்தை இங்கு குறிப்பிட்டுக் காட்டுகிறது. ஏர் கூலர் என்பதை இனி நாம் ஊதைப் பொறி அல்லது சுருக்கமாக “ஊதை” என்றே சொல்லிப் பழகுவோம்.

=====================================================


----------------------------------------------------------------------------------------

ஆக்கம் + இடுகை,

வை.வேதரெத்தினம்

(veda70.vv@gmail.com)

ஆட்சியர்,

"புதிய தமிழ்ச் சொல்” வலைப்பூ,

[தி.ஆ: 2052, சிலை (மார்கழி) 01)

{16-12-2021)

---------------------------------------------------------------------------------------

ஊதைப்பொறி = AIR COOLER