ஈர்மம் = PAINT
---------------------------------------------------------------------------------------------
ஒரு கட்டடத்துக்கோ (BUILDING) அல்லது அறைகலன் போன்ற (FURNITURES) தளவாடங்களுக்கோ “பெயிண்ட்” அடித்தால், கண்ணுக்குக்
குளிர்ச்சியாக இருக்கிறது. மனதுக்கு இனிமையாக இருக்கிறது !
"பெயிண்ட்”டில் உள்ள நெய்ப்புத்
தன்மை, பூசு தளத்தில் சீராகப்
பரவி, இறுகி, தண்ணீரை, ஊடுருவி உள்ளே செல்ல
விடாமல் தடுக்கிறது. கறையோ, துருவோ படியாமல் காப்புக் கவசமாகத் திகழ்கிறது !
“பெயிண்ட்”டுக்குத் தமிழில் என்ன
பெயரிட முடியும் ? “வண்ணப் பூச்சு” என்பது நீண்ட சொல். “வண்ணக் கலவை” என்பதும் நீண்ட சொல்லே ! “வண்ணப் பூச்சு”, “வண்ணக் கலவை” என்ற சொற்களின் அடிப்படையில் தொடர்புடைய பிற சொற்களை
உருவாக்குவதும் கடினமான பணியாக உள்ளது !
புதிய சொல் ஒன்று
உருவாக்கினால் நலமாக இருக்கும் அல்லவா ?
தமிழில் “ஈர்” என்ற சொல்லுக்கு பல
பொருள்கள் உள்ளன. அவற்றுள் “நெய்ப்பு”, ”குளிர்ச்சி”, “இனிமை” “கவர்ந்து இழுத்தல்” என்ற பொருள்களும் உள்ளன !
”நெய்ப்பு” என்றால், ”பள பளப்பு” என்றும் பொருள் சொல்கிறது
தமிழ் அகராதி. “பெயிண்ட்”டுக்கு இந்த எல்லாக்
குணங்களுமே உள்ளன. இத்தகைய குணங்களுடைய ”பெயிண்ட்”டை”ஈர்மம்” (ஈர்+ம்+அம்=ஈர்மம்) என்று ஏன் சொல்லக் கூடாது ?
”ஈர்மம்” என்ற சொல் வடிவில்
சிறியது. பொருளில் ஆழ்மை உடையது. ஒலிப்பதில் இனிமை உடையது. இதற்கு மேல் வேறு என்ன
வேண்டும் ?
“ஈர்மம்” என்ற சொல்லினை வைத்து
உருவாகும் பிற சொற்களையும் பார்ப்போமா ?
==================================================
|
PAINT |
= ஈர்மம் |
|
PAINTER |
= ஈர்மர் |
|
PAINTING |
= ஈர்மை |
|
PAINTING BRUSH |
= ஈர்மைத் தூரிகை |
|
RED PAINT |
= சிவப்பு ஈர்மம் |
|
PAINT DEALERS |
= ஈர்ம வணிகர் |
|
PAINT MANUFACTURER |
= ஈர்ம வனைவர் |
|
PAINT FACTORY |
= ஈர்ம ஆலை |
|
PAINT COATING |
= ஈர்மப் பூச்சு |
=====================================
ஆக்கம் + இடுகை,
வை.வேதரெத்தினம்.
(veda70.vv@gmail.com)
ஆட்சியர்,
“புதிய
தமிழ்ச் சொல்” வலைப்பூ,
[தி.ஆ:
சிலை (மார்கழி) 02]
{17-12-2021
=======================================================
 |
| ஈர்மம் = PAINT. |
